भाजपाच्या या दोन नेत्यांमध्ये वाद : लोकसभेतील व्हिडिओ व्हायरल
-आलोक शर्मा यांनी केला होता आरोप
प्रतिनिधी
नवी दिल्ली : केंद्रीय मंत्री नितीन गडकरी हे आपल्या तटस्थ भूमिकेसाठी प्रसिद्ध आहेत. त्यांनी अनेकदा पक्षाच्या विरोधात जाऊनही भूमिका व्यक्त केलेली आहे. त्यामुळे विरोधी पक्षातील अनेक नेते त्यांचे मित्र आहेत. तसेच, त्यांचे इतरही पक्षांच्या नेत्यांशी चांगले संबंध असल्याचे अनेकदा दिसून आले. मात्र पंतप्रधान नरेंद्र मोदी आणि केंद्रीय मंत्री नितीन गडकरी यांच्यात सारे काही आलबेल नसल्याची चर्चा अनेकदा प्रसारमाध्यमांमध्ये आणि राजकीय वर्तुळात असते.
काँग्रेस नेते आलोक शर्मा आणि अन्य पदाधिकाऱ्यांकडून लोकसभेतील एक व्हिडिओ सध्या व्हायरल केला जात आहे. ‘ऑपरेशन सिंदूर’बाबतच्या चर्चेदरम्यान विरोधी पक्ष नेते राहुल गांधी तसेच लोकसभेच्या सदस्य प्रियंका गांधी यांनी केंद्र सरकारवर निशाणा साधला होता. लोकसभेचे खासदार तरुण गोगोई यांनीही गृहमंत्री अमित शाह आणि संरक्षण मंत्री राजनाथ सिंग यांच्यावर विविध आरोप केले होते
राहुल गांधी म्हणाले की , संरक्षण मंत्री राजनाथ सिंह यांनी सोमवारी (२८ जुलै २०२५) आपल्या भाषणात ऑपरेशन सिंदूरची तुलना १९७१ च्या बांगलादेश मुक्ती युद्धाशी केली होती. पण १९७१ मध्ये राजकीय इच्छाशक्ती होती. अमेरिकेचे सातवे नौदल भारताकडे निघाले होते आणि नंतर पंतप्रधान म्हणाले की, आम्हाला जे करायचे आहे ते आम्ही करू. महासत्ता येत होती, पण पंतप्रधान म्हणतात की आम्हाला काही फरक पडत नाही.
आलोक शर्मा यांचा आरोप काय?
काँग्रेस नेते आलोक शर्मा यांनी आरोप केला आहे की, केंद्रीय मंत्री नितीन गडकरी यांच्या पाठीचा कणा हा ताट असेल. त्यामुळे ते पंतप्रधान नरेंद्र मोदी यांच्यासमोर वाकले नाहीत. अन्य नेते वाकून मोदींना नमस्कार करत आहेत. अशा शब्दात आलोक शर्मा यांनी उपरोधिक टीका केली.
