नवनीत राणा का म्हणाल्या? माझा बाप काढता… तुम्हाला…?

नवनीत राणा का म्हणाल्या? माझा बाप काढता… तुम्हाला…?

-अमरावतीत भरला उमेदवारी अर्ज

प्रतिनिधी
अमरावती : माझा राजकारण जनतेसाठी आहे.स्वतःचे घर भरण्यासाठी नाही. स्वतःच्या मालमत्ता वाढवण्यासाठी काही जण राजकारण करत आहेत. माझा बाप काढता माझ्या वडिलांनी सीमेवर कर्तव्य बजावले. ३३ महिन्यांचे सरकार होते. तेव्हा हनुमान चालीसा म्हटलं म्हणून मला १४ दिवस जेलमध्ये टाकलं. हे तेव्हाच्या मुख्यमंत्र्यांना शोभलं का? माझ्यासारख्या लहान व्यक्तीला जेलमध्ये टाकून तुम्ही शक्तिमान होत नाही. ५ वेळा ज्यांनी या लोकसभा मतदारसंघाच नेतृत्व केलं. त्यांनी उमेदवार उभा केला नाही, असे म्हणत नवनीत राणा यांनी उद्धव ठाकरे यांच्यावर टीका केली आहे.

अमरावतीमधून नवनीत राणा पुन्हा एकदा लोकसभेच्या रिंगणात आहेत. भाजपच्या तिकीटावर त्या निवडणूक लढवत आहेत. महायुच्या उमेदवारी अर्ज भरण्याआधी अमरावतीत जाहीर सभा होत आहे. या सभेत उपमुख्यमंत्री देवेंद्र फडणवीस यांच्यासोबतच युतीचे इतरही नेते उपस्थित आहेत. या सभेत बोलताना नवनीत राणा यांनी शिवसेना ठाकरे गटाचे पक्षप्रमुख उद्धव ठाकरे यांच्यावर जोरदार टीका केली आहे. हनुमान चालिसा पठण प्रकरणावरून झालेल्या कारवाईवरून नवनीत राणा यांनी उद्धव ठाकरे यांना सवाल केला आहे.

महायुतीच्या सभेत बोलताना नवनीत राणा यांचे पती आमदार रवी राणा यांनीही विरोधकांवर हल्लाबोल केला. तसंच नवनीत राणा याच निवडणूक जिंकतील, असाही विश्वास त्यांनी व्यक्त केला. नवनीत राणा उमेदवारी अर्ज भरणार आहेत. आजची ही रॅली विजयी रॅली आहे. ज्यांनी उमेदवारी अर्ज भरला त्यांना सांगतो, यंदा अमरावतीत कमळ फुलणार आहे. नवनीत राणा या विजयी होणारच आहेत, असं म्हणत रवी राणा यांनी प्रहारचे आमदार बच्चू कडू यांना टोला लगावला आहे.

एक आमचा खूप चांगला मित्र आहे. तो मैत्रीपूर्ण वागून सर्वांचा उपयोग घेतो. तो मित्र रवी राणाचा बाप काढत आहे. नवनीत राणांचा बाप काढत आहे. रवी राणाचा बाप हमाल होता. नवनीत राणांचा बाप देशाची सेवा करत होता. जेव्हा एखाद्याचं लग्न असते. तेव्हा तिच्या परिवाराने शांत राहायचं असतं. म्हणून मी शांत आहे. रवी राणा नेहमी गोरगरिबांसमोर झुकलेला असतो, असं म्हणत रवी राणा यांनी बच्चू कडू यांचं नाव न घेता टीका केली आहे.