काँग्रेसची ही जागा 16 मतांनी भाजपाने जिंकली
-कर्नाटक विधानसभा निवडणूक
प्रतिनिधी
कर्नाटक : कर्नाटकातील जनतेने भाजपचे बजरंगबली, टिपू सुलतान, हिजाब, नमाज या मुद्द्यांना नाकारले. पे-सीएम आणि 40 टक्के सरकारचा नारा देत काँग्रेस मैदानात उतरली. लोकांनी कॉंग्रेसला बहुमत दिल. कर्नाटकात काँग्रेसने 224 पैकी 135 जागा जिंकल्या.
भाजपला 66 जागा मिळाल्या. त्यांच्या खात्यातील एका जागेचा निकाल आज लागला आहे. ती जागा आहे जयनगरची यापूर्वी कॉंग्रेसच्या सौम्या या मतदार संघात 160 मतांनी विजयी झाल्या होत्या. पण भाजपने त्यावर हरकत घेतल्यानंतर या ठिकाणी फेरमतमोजणी जाली. त्यात भाजप उमेदवार राममूर्ती अवघ्या 16 मतांनी विजयी झाले.
याआधी शनिवारी निकालानंतर काँग्रेस अध्यक्ष मल्लिकार्जुन खरगे म्हणाले – भाजप आम्हाला टोमणे मारत असे की आम्ही काँग्रेसमुक्त भारत करू. आता दक्षिण भारत भाजपमुक्त झाला आहे हे वास्तव आहे. 36 वर्षांनंतरचा हा आमचा मोठा विजय आहे.
त्याचवेळी दिल्लीत राहुल गांधी म्हणाले – आम्ही द्वेषाने लढलो नाही. देशावर प्रेम असल्याचे कर्नाटकने दाखवून दिले आहे. आमची मुख्य पाच आश्वासने पहिल्याच मंत्रिमंडळ बैठकीत पूर्ण होतील.
कर्नाटक विधानसभा निवडणुकीत 185 महिला उमेदवार रिंगणात होत्या, त्यापैकी फक्त 8 विजयी झाल्या. भाजपचे 12 उमेदवार होते, 2 विजयी झाले. काँग्रेसचे 11 उमेदवार होते, 3 विजयी झाले. जेडीएसचे 13 उमेदवार होते, 2 विजयी झाले. 149 अपक्ष होते, फक्त 1 विजयी.
–मुख्यमंत्रिपदाचे तीनही चेहरे विजयी
या निवडणुकीत भाजप आणि काँग्रेसच्या अनेक बड्या चेहऱ्यांचे राजकीय भवितव्य पणाला लागले होते. काँग्रेसचे सिद्धरामय्या आणि डीके शिवकुमार, भाजपचे बसवराज बोम्मई हे प्रमुख चेहरे होते. या तीनही निवडणुका जिंकल्या. पण बोम्मई आणि त्यांचे 11 मंत्री जिंकले, 11 मंत्री हरले. काँग्रेस अध्यक्षपदी मल्लिकार्जुन खरगे यांच्यासाठीही ही अत्यंत महत्त्वाची निवडणूक होती. एकतर्फी विजयामुळे पक्षातील त्यांचा दर्जा वाढणार आहे.
राज्यात 38 वर्षांपासून सत्तेची पुनरावृत्ती झालेली नाही. शेवटच्या वेळी रामकृष्ण हेगडे यांच्या नेतृत्वाखालील जनता पक्षाने 1985 मध्ये सत्तेत असताना निवडणूक जिंकली होती. त्याच वेळी, गेल्या पाच निवडणुकांपैकी (1999, 2004, 2008, 2013 आणि 2018) एकाच पक्षाला केवळ दोनदा (1999, 2013) बहुमत मिळाले. 2004, 2008, 2018 मध्ये भाजप सर्वात मोठा पक्ष ठरला. बाहेरच्या पाठिंब्यावर त्यांनी सरकार स्थापन केले.
10 मे रोजी 224 जागांसाठी 5.13 कोटी मतदारांनी 2,615 उमेदवारांना मतदान केले. निवडणूक आयोगाने दिलेल्या माहितीनुसार, कर्नाटकमध्ये 73.19 टक्के मतदान झाले आहे. 1957 नंतर राज्याच्या निवडणूक इतिहासातील हा उच्चांक आहे.
-2018 मध्ये भाजपकडे बहुमत नव्हते
2018 मध्ये भाजपला 104, काँग्रेसला 78 आणि जेडीएसला 37 जागा मिळाल्या होत्या. कोणत्याही पक्षाला बहुमत मिळाले नाही. भाजपचे येडियुरप्पा यांनी 17 मे रोजी मुख्यमंत्रिपदाची शपथ घेतली, परंतु सभागृहात बहुमत सिद्ध करू न शकल्यामुळे त्यांनी 23 मे रोजी राजीनामा दिला. त्यानंतर काँग्रेस-जेडीएस आघाडीचे सरकार स्थापन झाले.
14 महिन्यांनंतर कर्नाटकच्या राजकारणाला पुन्हा कलाटणी मिळाली. काँग्रेस आणि जेडीएसच्या काही आमदारांच्या बंडानंतर कुमारस्वामी यांना खुर्ची सोडावी लागली. येडियुरप्पा यांनी या बंडखोरांना भाजपमध्ये विलीन केले आणि 26 जुलै 2019 रोजी 119 आमदारांच्या पाठिंब्याने ते पुन्हा मुख्यमंत्री झाले, परंतु दोन वर्षांनी राजीनामा दिला. भाजपने बसवराज बोम्मई यांना मुख्यमंत्री केले.
