कमाल झाली: हा अभिनेता म्हणतो चार मुले काँग्रेसमुळे
-वाढत्या लोकसंख्येवरून वाद
प्रतिनिधी
नवी दिल्ली : वाढत्या लोकसंख्येवरून देशात वाद सुरू आहे. दरम्यान, गोरखपूरचे भाजप खासदार आणि अभिनेते रवी किशन यांनी वाढत्या लोकसंख्येसाठी काँग्रेसला जबाबदार धरले आहे. काँग्रेसने लोकसंख्या नियंत्रणाचा कायदा केला असता तर मला चार मुले झाली नसती, असे ते म्हणाले.
रवी किशन पुढे म्हणाले की, चार मुलांचा विचार केल्यावर वाईट वाटते. हा काँग्रेसचाच दोष आहे. त्यांच्याकडे सरकार होते. त्यांच्याकडे कायदा होता. आम्हाला भान नव्हते, आम्ही लहान होतो. आम्ही आमच्या आयुष्यात जगत होतो, धडपडत होतो. भाजप खासदार रवी किशन यांनी शुक्रवारी लोकसभेत लोकसंख्या नियंत्रण कायदा करण्यासाठी विधेयक मांडले.
रवी किशन यांना एका वैयक्तिक मुलाखतीत त्यांच्या चार मुलांबद्दल प्रश्न विचारण्यात आला. तेव्हा ते म्हणाले की, फिल्म इंडस्ट्रीच्या पहिल्या 15 वर्षांत लोकांनी मला पैसे दिले नाहीत. पैसे नंतर येतील हे मला त्यावेळी माहीत होते.मी इंडस्ट्रीत स्ट्रगल करत होतो. शूटिंग करत होतो. त्याच काळात तिसरे आणि चौथे मूल झाले. आज जेव्हा कळतंय तेव्हा या चार मुलांना पाहून वाईट वाटतं.
मनोज तिवारी यांनी जास्त मुले होणे ही चूक असल्याचे म्हणताच रवी किशन यांनी अडले. रवी किशन यांच्या या मुलाखतीत त्यांच्यासोबत भाजप खासदार मनोज तिवारी होते. ते तिसऱ्या अपत्याचे वडील होणार आहे. काही दिवसांपूर्वी त्यांना यावरून ट्रोलही करण्यात आले होते. मुलाखतीत त्यांना तिसर्या मुलाबद्दलही प्रश्न विचारण्यात आला होता, त्यामुळे ते म्हणाले की, भूतकाळात चूक झाली असेल तर याचा अर्थ भविष्यातही आपण चुका करत राहू असे नाही. दरम्यान, रवी किशन यांनी त्यांना अडवले. ही चूक नव्हती आणि आम्ही ती चूक मानणार नाही, असे रवी म्हणाले. काँग्रेसने कायदा केला असता तर आम्हाला मुले झाली नसती.
